Tumba Lata

Tumba Lata Tsinilas ug lata maoy gamiton
Tanan kabataan dali ra gyud makat-on
Lata sa gatas kinahanglan nga tumbahon
Sa tsinilas nga guma kini tirahon

Usa ka bata sa lata magbantay
Kung kinsa madakpan dili gyud magmahay
Kay siya mopuli sa lata magbantay
Ug sa mga kadula siya ibiay-biay

Ka-abtik ug kaigmat maoy kinahanglan
Importante usab nga kusog ka modagan
Kay nagbantay sa lata ikaw gidumtan
ikaw iyang gukdon aron madakpan

Katawa ug kalipay mao ray premyo
Kinsa'y di madakpan sikat gyud kaayo
Kung kinsa ang hinay maoy ma-igot
Usahay mohilak tungod sa kalagot


Tumba Lata maoy dula sa batang pobre
Wala gasto kay ang lata ug tsinilas libre
Singot ug kakapoy maoy ray ganansya
Apan di mabayran ang kalipay ug katawa. Bow!